Shënoni në kalendarin e eventeve tuaja, javën 23 – 29 maj sepse Greqia do t’ju mahnisë me fuqinë e artit dhe kulturës që mbart si trashëgimi. Në Tiranë, Shkodër e Korçë, nga skenat moderne, e deri tek parqet antike, si në Apolloni apo parkun Helen në Farkë, mbërrijnë artistë e profesionistë nga vendi fqinj. Përmes Stelios Kerasidis, Symphonic Rebetico, Thanassis Katsaras, Miti i Amazonave, Choir of Thessaloniki apo Urban Act që do të udhëtojnë deri në Finiq e Dropull, shijoni eksperiencën fantastike të kulturës antike që mbërrin deri në Greqinë e sotme me artistët bashkëkohorë.