I dashur kryeministër,
Të dashur qytetarë të Shqipërisë fqinje,
Jam i lumtur që marr pjesë në festimet e Konferencës së parë Ndërqeveritare për anëtarësimin e Shqipërisë në BE, një ngjarje me rëndësi të madhe për vendin tuaj, për rajonin dhe për BE-në.
Prandaj ju përgëzoj të gjithëve për këtë arritje të madhe, e cila është një hap i rëndësishëm në përmbushjen e aspiratave tuaja për t’iu bashkuar familjes evropiane. Sot ne gëzojmë me ju sepse besojmë se e meritoni.
Greqia ka qenë mbështetëse e fortë e perspektivës evropiane të të gjithë Ballkanit Perëndimor, që nga Samiti i Selanikut në 2003, dhe ka luajtur rolin e avokatit mbrojtës në mënyrë aktive dhe të vazhdueshme për përparimin tuaj.
Procesi i anëtarësimit në BE do të thotë që ju e pranoni transformimin tuaj themelor si shtet dhe si shoqëri, që të jeni gati për t’u anëtarësuar. Siç ndodhi me Greqinë dhe vendet e tjera, ju kërkuan të punoni në një agjendë reformash të thella përpara se BE të ishte në gjendje të fillonte negociatat me shtetin tuaj. Nën drejtimin tuaj u morën vendime të vështira por të guximshme që sollën rezultate.
Greqia, si fqinji juaj i imediat ju uron më të mirat. Lidhjet që na bashkojnë tregojnë se kur përparoni të dy bëhemi më të forte. Minoriteti grek në Shqipëri dhe shumë shqiptarë që e kanë kthyer Greqinë shtëpinë e tyre, përbëjnë një lidhje organike mes nesh. Kam bindjen se vendimi i sotëm do thotë një të ardhme më të mirë edhe për ata.
Përgëzime Shqipëri!